Policia e New Yorkut ka arrestuar një burrë pas një serie të sulmeve me thikë në metron e qytetin të cilat i lanë dy të vdekur dhe dy të lënduar.

Rigoberto Lopez është akuzuar për dy vrasje dhe dy tentim vrasje në stacionet në Manhattan dhe Queens.

Të gjitha viktimat thuhet se janë të pastrehë.

Mediat amerikane raportojnë se i dyshuari, 21 vjeçar dhe vetë i pastrehë, u arrestua i veshur me rroba të lagura me gjak, transmeton arbresh.info.

Katër sulmet në trenin A filluan të premten në mëngjes:

• Në sulmin e parë, një 67-vjeçar u therr në stacionin e rrugës 181 në Manhattan, dhe tani po trajtohet në spital.
• Në mbrëmje, një burrë – besohet të jetë në të 50-tat – u gjet i vdekur me plagë nga thika në stacionin Far Rockaway-Mott Avenue në Queens.
• Pak më vonë, një grua 44-vjeçare u gjet në stacionin e rrugës 207 në Manhattan. Ajo vdiç në spital.
• Në orët e hershme të së shtunës, një 43-vjeçar u gjet i plagosur në një tren në stacionin e njëjtë.
• 

“Nuk do të futem në motive, por çfarë mund t’ju them është se të gjitha ishin sulme të paprovokuara,” u citua nga New York Post zyrtari policor Brian McGee.

“Viktimat nuk kishin asgjë, nuk kishin filluar asgjë.”/arbresh.info/